2022 මැයි 9වන සඳුදා දින දේශයේ පාලනය පිළිබඳව පැහැදිලි ලෙස ප්‍රදර්ශනයවු ස්වභාවය ගැන ලංකා දේවසභා සංගමය අතිශයින්ම තම කලකිරීම සහ දැඩි අප්‍රසාදය පළ කර සිටියි. සාමකාමීව විරුද්ධ මත ප්‍රකාශ කිරීමේ නිදහස තහවුරුකිරීම ප්‍රජාතන්ත්‍රවාදයේ මූලික පදනමකි. ඒ සඳහා පුරවැසියන්ට ලැබිය යුතු නිසි ආරක්ෂාව සලසා දීම පවතින රජය මත පැවරුණු වගකීමකි.
මාසයක් පුරාවටම කොළඹදී ජනතාව තමන්ට මුහුණ දීමට සිදුවුනු දැඩි දුක්ගැහැට ගැන විරෝධය ආදර්ශමත්ව ප්‍රකාශ කරමින් සිටින අතරවාරයේදී අගමැති නිල නිවසින් පිටතට පැමිණි ප්‍රචණ්ඩකාරී කලහකාරීන් කණ්ඩායමක් එහි සිටි මිනිසුන්ට පහර දී ඔවුන් සතු උපකරණ සහ නිර්මාණ විනාශ කර දමන ලදී. තුවාල වූ සියලු දෙනාවම අප යාච්ඤාවෙන් සිහිකරන අතරම ඔවුන්ට ප්‍රතිකාර කරන්නා වූ වෛද්‍යවරුන්ට නිසි ප්‍රඥාව ලැබෙන ලෙස අපි සදාකාලික දෙවියන්වහන්සේගෙන් ඉල්ලා සිටිමු. මෙහි ප්‍රතිඵලයක් ලෙස සිදු වූ මරණ නිසා අපි දැඩි ලෙස ශෝකයට පත් වන අතර තමන්ගේ ප්‍රේමණීයන්ගේ වියෝවීම නිසා වැළපෙන්නා වූ අයගේ සැනසීම උදෙසාද යාච්ඤා කරන්නෙමු.
අපගේ රටේ තරුණ කොටස් හා ජනතාව විසින් මෙහෙයවන ප්‍රගතිශීලී අරගලය සමඟ අපත් සිටගන්නා අතර ජාතිවාදය, ඥාති සංග්‍රහය. දූෂිතකම නොමැති දේශයක් සඳහාද, සමානාත්මතාවය, වගවීම, වෘත්තීයමය නිපුණතාව සහ අන්‍යෝන්‍ය ගරුත්වය සහිත රටක් සඳහා වු හඩනැඟීම සමඟත් අප එකඟ වෙමු. 2019 ජනාධිපතිවරණෙයන් හා 2020 පාර්ලිමේන්තු මැතිවරණයෙන් පත්වුනු රජය තමන් ලද ජනවරම නැති කරගෙන තිබෙන අතර අළුතින් මැතිවරණයක් හැකි ඉක්මණින් පැවැත්විය යුතුව ඇත. දේශයේ සම්පත් කොල්ල කෑ බවට සැක කරන අය සම්බන්ධයෙන් නියමිත නීතිමය ක්‍රියා මාර්ග ගත යුතු බවත් සහ ඔවුන් වැරදිකරුවන් යයි ඔප්පු වුවහොත් ඔවුන් විසින් ඒවාට වන්දි ගෙවිය යුතුය යන අදහසට අපත් සහාය දක්වන්නෙමු.
ව්‍යවස්ථාවේ 20වන සංශෝධනය අහෝසි කිරීමටත් දැනටමත් ප්‍රකාශයට පත්කර ඇති 19වන සංශෝධනය ශක්තිමත් කිරීමට සහ යෝජිත 21වන සංශෝධනය ගෙන ඒමේ වැදගත්කම පිළිබඳව අප අවධාරණය කර සිටිමු.
දැඩි පීඩනයක් යටතේ කටයුතු කරන පොලිසිය සහ ත්‍රිවිධ හමුදාවන් ගෙන් අපි ඉල්ලා සිටින්නේ බලවත් සංයමයකින් සහ ඉවසිලිවන්තකමකින් යුතුව සාධාරණ ලෙස ක්‍රියා කරන ලෙසයි. එමෙන්ම ප්‍රචණ්ඩකාරී ලෙස අසාධාරණයට ප්‍රතිචාර දැක්වූ අයගේ කෝපය තේරුම්ගත හැකි වුවත් අප අයැද සිටින්නේ අඩියක් පසුපසට ගෙන ප්‍රචණ්ඩත්වයෙන් තොරවු මාවත අනුගමනය කරන ලෙසයි.
අවසන් වශයෙන්, දේශය යළි ගොඩනැඟීමට සහභාගි වන්න යැයි සමස්ත දේශයක් ලෙස අපි සියලු ශ්‍රී ලාංකිකයන්ව දිරිමත් කිරීමට කැමැත්තෙමු. කිතුනු ඇදහිල්ල තුළ නැවත නැඟිටීම මරණයෙන් පසුව පැමිණෙයි. වර්තමානයේ අත්දකිනු ලබන්නා වූ බලාපොරොත්තු සුන් වීම අතරවාරයේදී පවා අනාගත පරම්පරාවන් වලට ඒකත්වය, අභිමානය, ගෞරවය සහ දේව ආශිර්වාද සමඟ ජීවත් විය හැකි ශ්‍රී ලංකාවේ උතුම්ම අවස්ථාව ලෙස මෙම පැය පරිවර්ථනය කරන්නට දෙවියන්වහන්සේට හැකි බව අපට සහතිකයක් තිබේ
විධායක කමිටුව සමග
දේවධර්මාචාර්ය එරල් ක්‍රිසෝකුමාර් හැන්ඩි (සභාපති)
එසේම්බිලිස් ඔෆ් ගෝඩ් – ශ්‍රී ලංකා
